Турската полиција уапси еден од напаѓачите на католичката црква во Истанбул, во која загина едно лице, јавија денеска турските медиуми. Турскиот министер за внатрешни работи Али Јерликаја претходно изјави дека двајца напаѓачи отвориле оган во црквата Света Марија, каде што убиле едно лице.
Весникот „Милијет“ пишува дека антитерористичките единици уапсиле еден од напаѓачите.
#Breaking : Attack in an Italian church in #Istanbul, #Turkey during Sunday mass leaves one dead and multiple injured.#Italianchurch pic.twitter.com/6IsT7K2Uyu
— WorldNews (@RichKidsClips) January 28, 2024
Турскиот претседател Реџеп Таип Ердоган претходно денеска изрази сочувство до католичката заедница во Истанбул во врска со нападот на црквата во кој загина едно лице и најави дека ќе бидат преземени неопходните чекори за апсење на убијците.
Сочувство упати и папата Франциско, кој изјави дека е со католичката заедница во Истанбул.
Маскирани напаѓачи упаднале во црквата за време на богослужбата
Да потсетиме, двајца маскирани напаѓачи извршија вооружен напад врз католичката црква во Истанбул за време на неделната богослужба, при што едно лице беше убиено, изјави денеска турскиот министер за внатрешни работи Али Јерликаја.
Според најавата на Јерликаја, вооружени напаѓачи упаднале во црквата Света Марија во истанбулскиот кварт Саријер во 11 часот и 40 минути по локално време, јавува турскиот сервис на Си-Ен-Ен.
Министерот рече дека двајцата напаѓачи носеле маски и биле присутни со верниците за време на неделната молитва.
A vicious attack to Santa Maria church in Istanbul. Two jihadists covered their faces with masks attacked a church during a liturgy. One person reported to be dead.
Never forget; praising jihadist terrorism will courage the terrorists. pic.twitter.com/tuGV4zXdcZ
— יוניקורן כחול לבן (@kyrixermis) January 28, 2024