Пратениците во Европскиот парламент уште еднаш и изразија доверба на Урсула фон дер Лајен, која доби нов мандат на чело на Европската комисија.
Во салата за нејзиниот избор тајно гласале 707 членови, а Фон дер Лајен добила 401 глас „за“, „против“ биле 284, додека 15 од нив останале „воздржани“.
Роберта Мецола, претседателка на Европскиот парламент, и честиташе на Урсула фон дер Лајен за нејзиниот реизбор.
Congratulations Ursula @vonderleyen on your well deserved re-election as President of the @EU_Commission by the @Europarl_EN!
It is testament to your strong leadership and unwavering values in testing times.
Europe stands strong and stands ready. #Together 🇪🇺 pic.twitter.com/FHAtYlfvh4
— Roberta Metsola (@EP_President) July 18, 2024
Во своето обраќање пред ЕП пред гласањето, Германката рече дека Европа има избор „дали сака да биде обликувана од настаните и светот околу неа или дали ќе се обедини и ќе ја гради сопствената иднина“.
Фон дер Лајен ја објави „Инвестициската комисија“ во нејзиниот програмски предлог. На првата пленарна седница на 10-тото свикување на Европскиот парламент во Стразбур, таа истакна дека на европската конкурентност и треба „голем поттик“, и дека е потребна помала бирократија и „микро-менаџмент“ за да се олесни бизнисот.
Таа најави продолжување на зелената транзиција на ЕУ кон чисти извори на енергија, како што е водородот, и политиката за заштита на животната средина и борбата против климатските промени.
Фон дер Лајен најави континуитет на нејзините политики, нагласувајќи ја безбедноста
Друг акцент таа стави на безбедноста на континентот, повикувајќи на формирање на европска одбранбена унија. Таа рече дека европските земји инвестираат премалку во својата одбрана и дека нивната безбедност премногу зависи од другите, мислејќи на Соединетите Американски Држави.
Фон дер Лајен зборуваше и за миграцијата:
„Потребен ни е заеднички пристап за враќање на бегалците и треба да ги зајакнеме нашите партнерства со нашите соседи. Медитеранскиот регион не требаше да го добие нашето целосно внимание и затоа ќе назначам комесар за тој регион“.
Таа зборуваше и за проширувањето на Унијата, наведувајќи дека поголема Унија значи посилна Унија. Таа ја коментираше и ситуацијата на Блискиот Исток, наведувајќи дека Европа мора да ја одигра својата улога.
„Крвопролевањето во Појасот Газа мора да престане сега, мора итно да престане. Премногу деца, жени и цивили ги загубија животите во одговорот на Израел на теророт на Хамас. Човештвото веќе не може да издржи“, рече таа и додаде дека решението со две држави е најдобро.
Таа најави план за земјоделството да ја надмине потребната адаптација кон климатските промени.
Нејзиниот говор беше проследен со споменатото гласање.