Во понеделник, Атина ќе испрати во Скопје Вербална нота со која ќе информира дека Грција го ратификувала Преспанскиот договор и Протоколот за членство во НАТО.
Министерот за надворешни работи на Грција, Јоргос Катругалос, во интервју за грчката информативна агенција АНА-МПА, ги објасни следните чекори, откако во петокот грчкото Собрание даде зелено светло за Протоколот за членство во НАТО.
Шефот на грчката дипломатија, на прашањето дали од следната недела ќе бидат обврзани да го користат новото име, тој одговори потврдно и додаде дека Преспанскиот договор е јасен во врска со тоа.
