Џо Роган неодамна во својот поткаст беше домаќин на Род Благојевиќ, поранешен американски конгресмен, најпознатиот и најконтроверзниот Србин роден во Америка.
Водителот на популарниот поткаст, Џо Роган и Род Благојевиќ, за време на речиси тричасовниот разговор допреа на повеќе теми, вклучувајќи го и НАТО бомбардирањето на Југославија во 1999 година.
– Татко ми дојде од Србија и би сакал да се обидам да направам се што можам за да ја подигнам јавната свест за Србија, која се наоѓа на Балканот … – изјави Род Благојевиќ за „Сербиан тајмс“.
🇺🇸🇷🇸: @realBlagojevich on the @joeroganhq discussed the 1999 NATO aggression against Serbia, and expressing a desire to “spread awareness” of Serbia among the American public.
(Part 1): pic.twitter.com/q2jUrNNfzj
— N. 83🇷🇸 (@MNC_83) December 22, 2024
Како што додаде, „ова е земјата што ја бомбардиравме во 1999 година“.
– Соединетите Американски Држави и НАТО ја бомбардираа Србија без одобрение на Обединетите нации, на ист начин како што Русија ја нападна Украина … Се обидоа да ја натераат српската влада да се откаже од дел од својата земја, Косово. Да го предаде. Тоа би било како НАТО да се заканува дека ќе нè бомбардира за да му го даде Тексас на Мексико. А српската влада рече дека нема да го стори тоа, па САД решија да ги бомбардираат доколку не го потпишат договорот што беше постигнат во Франција, Договорот од Рамбује … – изјави Благојевиќ.
Благојевиќ потоа се осврна на актуелните односи меѓу Србија и САД, посочувајќи колку Срби всушност го поддржуваат новоизбраниот американски претседател Доналд Трамп.
– Денеска Србите сакаат да ги подобрат односите со Америка, откако ги бомбардиравме. И оваа влада што е денес таму многу сака да ги врати односите со САД и да има подобри односи. Тоа е растечка економија, многу добро им оди на економски план бидејќи се добри вредни луѓе, а интересно е што во неодамнешното истражување на европските земји, на овие претседателски избори, Трамп против Камала Харис, српскиот народ имаше најголема поддршка за Трамп, околу 59 отсто од Србите од населението го поддржаа Трамп на последните избори, повеќе од која било друга европска земја. Ќе направам се што можам за да и помогнам на земјата од каде што потекнува мојот татко … – изјави Благојевиќ.
