Свет

ВИДЕО: Можете ли да замислите колку е длабок Атлантикот? Морничаво видео покажува се!

Р Редакција |
ВИДЕО: Можете ли да замислите колку е длабок Атлантикот? Морничаво видео покажува се!

СО ДЕНОВИ сите светски медиуми и социјални мрежи брмчат за исчезнатата подморница и петте патници кои сакаа да го видат потонатиот брод Титаник. Општо познато е дека Титаник лежи на дното на Атлантикот веќе 111 години, во темнина на длабочина од 3.800 метри под површината.

Но, можете ли да замислите колку е длабоко?

Се чини дека добар дел од екипажот на Интернет не може. Според нашата перцепција, 100 метри и 3800 метри под површината на водата звучат подеднакво морничаво, поради што видеото што ја прикажува длабочината на Атлантикот со помош на некои од најпознатите градби во светот, како што се Ајфеловата кула и Бурџ Калифа, е широко споделен на Твитер.

Видеото е прегледано 1,6 милиони пати

Со цел подобро да го претстави ужасот на длабочината од 3.800 метри под површината, авторот во својата анимација ги вклучил и просечните длабочини на светски познатите мориња и езера. Додека ја гледате оваа анимација, просечната длабочина на, на пример, Азовското или Жолтото Море изгледа како плиток поток во споредба со длабочината на Атлантикот каде што лежи Титаник.

Како што видеото напредува, сцените стануваат се пострашни, иако се работи за анимација. Приказот на Статуата на слободата висока 93 метри со постаментот изгледа како минијатурна фигура ако биде поставена на местото на потонатиот брод Титаник.

Авторот на анимацијата, пак, не застана на длабочината на Атлантикот, туку покажа и точки на Земјата кои се на уште поголема длабочина. Видеото стана хит на Твитер за само неколку часа и досега е прегледано повеќе од 1,6 милиони пати. На Твитер кружат разни други анимации кои ја покажуваат длабочината на која се изгубила подморницата за која зборува целиот свет.

Имате вест, приказна или проблем? Пишете ни