Најдобриот тенисер на сите времиња Новак Ѓоковиќ беше специјален гостин на фудбалски натпревар во Саудиска Арабија.
Новак до сабота е на егзибицискиот турнир „Слем оф шест кралеви“ каде во полуфиналето беше поразен од Јаник Синер (6:2, 6:7, 6:4).
Во сабота игра за третото место со Рафаел Надал, додека Синер со Алкараз, а слободното време го искористи да го следи мечот со Ал Хилал.
За Ал Хилал играат неговите сонародници Сергеј Милинковиќ-Савиќ и Александар Митровиќ, кои особено го сакаат тенискиот ас.
„Во Англија за Ѓоковиќ сакав да се убијам! Неколку пати бев на работ да се тепам со соиграчите. Се сеќавам кога го играше финалето на Вимблдон против Федерер. Беше хаос, од 30 играчи и стручен штаб, само еден шпански голман и јас бевме за Ѓоковиќ, а 28 за Федерер“, изјави Митровиќ за подкастот на Alesto минатата година.
Овојпат Новак го почитуваше рекордерот на српската репрезентација и се гушкаа како браќа, додека Митровиќ покажа колку му се восхитува на еден од најголемите спортисти на сите времиња.
Ал Хилал во петокот попладне се сретна со Ал Фејха, а Митровиќ, Сергеј и Новак позираа со дресовите на саудискиот клуб.
Митрогол го носеше неговиот број девет, Сергеј 22, а Новак симболично 24, според бројот на освоени грен слем титули.
Истата вечер, Новак беше побаран за селфи од бразилскиот фудбалер Нејмар, кој му го подари својот потпишан дрес со бројот 10 на задната страна.
Novak Djokovic giving his support to Mitrovic and Savic. ⚽️ pic.twitter.com/smCHJv2Hc0
— Danny 🐊 (@DjokovicFan_) October 18, 2024
