Владејачката партија во Унгарија денеска ја бојкотираше собраниската седница, која беше свикана по итна постапка на барање на опозицијата, со цел да се забрза одобрувањето за прием на Шведска во НАТО, пренесува Политико.
Овој потег дојде и покрај присуството на амбасадорите на земјите-членки на НАТО во галеријата на парламентот, со надеж дека владејачката партија Фидес, во согласност со ветувањето на нејзиниот лидер Виктор Орбан, ќе го одобри приемот на Шведска во Алијансата во првата можност.
Со овој потег, Унгарија останува единствената членка на НАТО која сè уште не го одобрила членството на Шведска.
Наместо денешната одлука, Унгарија побарала Будимпешта да ја посети шведскиот премиер Улф Кристерсон, додава порталот.
Кристерсон минатата недела изјави дека „единствено нормално нешто“ за него ќе биде посетата на унгарската престолнина по парламентарната потврда, бидејќи нема потреба од билатерални преговори.
Шефот на пратеничката група Фидес, Мате Кочиз, изјави дека ратификацијата на членството на Шведска во НАТО е можна на редовната седница на парламентот, закажана за крајот на февруари, доколку претходно се одржи средба меѓу двајцата премиери во Будимпешта.