Претседателот на Србија, Александар Вучиќ, синоќа објави дека ќе ја ослободи од обвинение 25-годишната девојка која е осомничена за обид за убиство, бидејќи во јануари налетала на студентка со својот автомобил за време на сообраќајна блокада во Нов Белград. Вучиќ во телефонско интервју за телевизијата Информер изјави дека ќе ја помилува девојката доколку таа, односно нејзиното семејство, се согласи на тоа.
„Таа не го заслужуваше тоа на никаков начин, а за мене е ужасно што, како претседател кој до пред неколку недели не издаде ниту едно помилување за девет години, сега морам да ја исправам неправдата што ми ја нанесоа обвинителствата и судовите. Ќе продолжам да го правам тоа бидејќи е толку очигледна неправда што ќе морам да ги заштитам слабите, прогонуваните и жртвите на нивните секојдневни напади“, рече Вучиќ.
Медиумите, известувајќи од масовните протести на 24 јануари, објавија дека непозната девојка удрила студентка во Нов Белград кога со своето возило влегла во насобраните граѓани. Полиција во цивил ја запрела девојката која се обидела да избега.
Таа со своето возило ги удрила обезбедувачите на почетокот на колоната, а потоа продолжила и на тој начин „удрила“ уште неколку од нив.
Жената што го возела автомобилот турнала настрана неколку полицајци, додека претходно возела со повредената девојка на хаубата.
