Светот се соочува со глобална прехранбена криза предизвикана од ограничувања и шпекулации. Ова го изјави претседателот на Србија Александар Вучиќ при посетата на Обединетите Арапски Емирати.
„Ќе има криза со храна. Штом ги ограничите цените, веднаш почнат шпекулациите на трговците и производителите, тоа никако не можете да го спречите“, рече Вучиќ.
Српскиот лидер пристигна во ОАЕ на покана на претседателот Мохамед бин Зајед Ал Нахјан.
Неодамна, на заедничката прес-конференција со турскиот лидер Реџеп Таип Ердоган, Вучиќ рече дека земјите од Европската унија треба да се подготват за студена зима, а следната ќе биде целосно поларна ако веруваат дека можат да ја победат Русија со воени средства.