Белото месо ќе биде сочно ако вака го запечете во рерна.
Белото месо е суво, но ако е правилно подготвено, ќе биде многу сочно и вкусно. Наместо да го пржите или печете на скара, ви предлагаме да го исечкате и да го покриете со прекрасен прелив, па да го испечете. Ќе ви одземе помалку од половина час и има одличен вкус. Како прилог, доволна е само салата.
Состојки:
2 пилешки филети
2 јајца
150 мл кисела павлака
провансалски билки, оригано, кари
1 домат
магдонос
Подготовка:
Пилешкото исечкајте го на коцки, па ставете го во огноотпорен сад. Изматете ги јајцата и додадете го кремот за готвење, па измешајте. Истурете ги зачините и прелијте со месото. Доматите исечкајте ги на прстени, па ставете ги врз пилешкото и посипете ги со сечканиот магдонос. Се пече на 200°C околу 20 минути.
