Затнат нос, главоболки, кашлица, болки во лицето и ушите, се само дел од симптомите на хроничен синузитис. Алергиските инјекции и лекови може да им помогнат на некои, но за пациенти чија состојба е постојано лоша, операцијата може да биде опција.
Но, во зимските месеци се почест е акутниот синузитис, бидејќи се јавува како последица на настинка или алергија, што создава предуслови за инфекција. Најчесто е предизвикан од бактерии или вируси, а уште помалку од габи. Обично трае од неколку дена до три недели. Типични симптоми на акутен синузитис се затнат нос, зголемено лачење, чувство на притисок и болка во зафатената зона на синусите, а може да има и главоболки, најчесто наутро, како и треска. Симптомите и локацијата на најсилниот притисок и болка варираат во зависност од тоа кој од синусите е најмногу погоден од воспаление. Ова може да предизвика болка во увото и вратот, забоболка, губење на чувството за мирис, насолзени очи. Најчести симптоми се замор и исцрпеност.
Синузитисот е многу чест во текот на зимата и ако несоодветно се третира може да трае со месеци или години. Луѓето со други алергиски болести, како што е астмата, имаат поголема веројатност да развијат синузитис.
Многу е важно што поскоро да се започне со правилен третман на настинка, грип и која било друга респираторна инфекција. Сите знаеме дека билните чаеви, одморот, разновидна и урамнотежена исхрана, вежбањето на свеж воздух и вдишувањата можат да ни помогнат на природен начин. Сепак, консултирајте се со вашиот лекар за какви било прашања.