Земјотрес од четврти степен според Рихтеровата скала, дефиниран како „слаб“ е регистриран утрово во морето кај островот Закинтос, југозападна Грција, јави АНА-МПА.
Земјотресот во Јонското Море е откриен во 7 часот и 9 минути, а неговиот епицентар бил на 13 километри источно-југоисточно од селото Кери и 244 километри западно од главниот град Атина, покажуваат податоците на Институтот за геодинамика на Атинската опсерваторија.