Земјотрес со интензитет од 6,7 степени според Рихтеровата скала ги погоди Курилските Острови денес, соопшти Германскиот центар за геонауки (GFZ).
Се потсетува дека претходните денови, по земјотресот со јачина од 8,8 степени по Рихтер, на Курилските Острови беше предизвикано цунами , што резултираше со поплави.
Нема предупредување за цунами за земјотрес на Курилските острови
Геолошкиот завод на САД соопшти дека земјотресот бил со јачина од 7 степени.
Тихоокеанскиот систем за предупредување од цунами даде иста магнитуда како и USGS, но немаше предупредување за цунами по земјотресот.
Силниот земјотрес со интензитет од 8,8 степени по Рихтер што се случи кај полуостровот Камчатка на рускиот Далечен Исток пред неколку дена предизвика тревога за цунами во земјите од Пацификот.
Силниот земјотрес предизвика цунами во Русија, Јапонија, Алјаска, Хаваи, Калифорнија и други американски држави, а предупредувања беа издадени и за други земји, вклучувајќи ги Чиле, Костарика, Француска Полинезија и Кина.
На денот на земјотресот со јачина од 8,8 степени, приближно 2.700 жители беа брзо евакуирани од своите домови и префрлени на безбедни локации на Курилските Острови – каде што беше прогласена вонредна состојба – според властите, цитирани од руската државна новинска агенција ТАСС.
🚨 BREAKING: CATASTROPHIC tsunami damage seen in the village of Severo-Kurilsk, Russia
— Nick Sortor (@nicksortor) July 30, 2025
This originated from the same earthquake sending tsunami waves to Hawaii
GET TO HIGHER GROUND, HAWAII! THIS COULD BE YOU! pic.twitter.com/njK8vhAsMS
Малиот град и пристаниште Северо-Курилск во архипелагот Курилски Острови беше поплавен.