Доктор Аниса Бајрамовиќ, специјалист по епидемиологија од Институтот за јавно здравје на кантонот Сараево, потврди дека 17-годишен тинејџер починал од сипаници.
Тој е првата жртва на епидемијата.
„За БиХ се подготвува извештај во кој ќе се опише епидемијата на пертусис (голема кашлица) и сипаници. Пертусис како што почна во БиХ минатата година, од ноември досега се регистрирани четири смртни случаи на бебиња, тоа е многу лош број“, изјави д-р Бајрамовиќ.
Таа истакна дека сипаниците не бираат.
Секој кој не бил вакциниран може да заболи од сипаници. Ова може да се случи и кај возрасни и кај деца.
„Секој родител знае дека мора да ги вакцинира децата, а здравствениот систем е должен да информира. Врвот на епидемијата беше во средината на мај, сега е во опаѓање, но тоа не значи дека епидемијата е завршена, ќе продолжи“, рече докторот и додаде:
„Неделно има помалку од 100 пациенти, повеќето се деца. 80 отсто од децата се вакцинирани со првата доза од МРП вакцината, а кај другите возрасни групи сме на 60 отсто“, рече таа.
