Од петок градот Њујорк ќе им плаќа по 100 долари на граѓаните што ќе ја примат првата доза од вакцината против ковид-19.
Ова го најави градоначалникот Бил де Блазио.
Неговата објава доаѓа само неколку дена откако објави дека Градот ќе побара од сите вработени во јавниот сектор, вклучително и наставници и полицајци, да бидат вакцинирани против корона вирусот до средината на септември, пренесува Ен-Би-Си.
Се проценува дека ова може да вклучува околу 340 000 вработени во јавната администрација на Њујорк.