Фондот за надомест кон жртвите на сексуална злоупотреба на Џефри Епстин исплати 121 милиони долари, како компензација за 150 лица, објави Би-Би-Си.
Ова е објавено речиси две години по самоубиството на Епстин во затворот во Њујорк, додека се уште чекаше судење, а независниот менаџер на фондови, кој бил финансиран од средствата на Епстин, изјави дека добил двојно повеќе барања од очекуваното.
Неколку од жртвите ја одбија понудата, и го одбраа патот за приватни тужби.
По смртта на финансиерот, чуварите на неговиот имот формираа фонд од 600 милиони долари и ги повикаа жртвите да контактираат со нив, а од вкупно 225 луѓе, само за 150 било утврдено дека имаат легитимни барања.
Фондот беше отворен и за жртвите кои имале штета порано, кога Епстин во 2008 година беше осуден за злоупотреба на малолетници.
Поранешната девојка на Епстин, Гислејн Максвел се изјасни невина за соучество во злосторството, а нејзиното судење почнува во ноември.