Од вчера сите национални шуми во Калифорнија се затворени, а официјалното затворање стапи на сила во точно 23:59 часот, соопшти американскиот Пацифички југозападен оддел за земјоделство и шуми.
Според властите, вака ќе се намали бројот на луѓе кои ги посетуваат националните шуми, со цел да се спречи некој да биде заробен при можна вонредна состојба, како што се нови пожари.
Од таму велат дека помалку луѓе во националните шумски земјишта, ја намалуваат веројатноста за појава на нови пожари и ќе помогне да се заштитат пожарникарите и заедницата со ограничување на можната изложеност на Ковид-19.
„Оваа одлука не е лесна, но е неопходна. Особено е тешко со претстојниот викенд по Денот на трудот, кога толку многу луѓе уживаат во нашите национални шуми“, изјави Џенифер Еберлајн.
Стравувајќи од пожари во Калифорнија, шумските власти истакнаа дека загриженоста за условите за „рекордно ниво“ на пожари се „над нормата“ на искуството, поради „значително ограничените“ ресурси за гаснење оган. Соопштението доаѓа неколку недели откако Шумската служба затвори девет национални шуми во северна Калифорнија.