Властите во Малезија објавија дека десетици високо загрозени орангутани биле тестирани на коронавирус.
Тестовите биле спроведени минатиот вторник врз 30 примати од островот Борнео и сите се негативни.
Според организациите кои работат со дивиот свет, ова се први тестови на орангутани во оваа земја во Југоисточна Азија, а истите биле извршени откако вработените во паркот за диви животни испаднале позитивни на вирусот.
Ветеринарите внимателно ќе ги следат мајмуните и ќе продолжат со тестови. Зоолошката градина во Атланта викендов објави дека неколку од горилите што живеат таму, биле позитивни. Имаше и неколку познати случаи со мачки, кучиња и најмалку еден пор, кои исто така, биле заразени со коронавирус.