Германија испраќа воени авиони „Торнадо“ и авион за поморска патрола во извидничка мисија во областа на Балтичкото Море, соопшти германската мисија во НАТО.
Портпаролката на Министерството за одбрана во Берлин рече дека не може веднаш да даде никакви детали поради оперативни безбедносни грижи, пренесува новинската агенција Ројтерс.
Претходно во текот на денот, германската морнарица испрати шест дополнителни воени бродови, од кои четири во Балтичкото Море.
