Поранешната министерка за одбрана Радмила Шекеринска на својот Фејсбук профил објави фотографии на кои може да се забележи говор на омраза кон новата министерка Славјанка Петровска.
Таа порачува дека застануваат солидарно зад Петровска, затоа што ниту една жена не треба да биде мета на родово базиран говор на омраза.
„Изминатиов период повторно гледаме што сѐ ѝ се случува на една жена која има јавна професија и професионално си ја извршува работата. Сè додека јавноста ги гледа жените единствено низ сексистичка призма, ниту ќе видиме повеќе жени на одлучувачки позиции, ниту ќе се искорени објективизацијата на жените во сите полиња на нејзиното постење“, пишува Шекеринска.