Кулеба: Не јадете и не пиете ништо на разговорите со Русија

Пред да започнат денешните разговори во Истанбул, министерот за надворешни работи на Украина Дмитро Кулеба ги советуваше сите што ќе одат на преговори со Руската Федерација „да не јадат и пијат ништо и по можност да избегнуваат допирање на која било површина“. Тој говореше за време на интервју за украинскиот канал „Украина 24“. Предупредувањето дојде по осомниченото труење на рускиот милијардер Роман Абрамович и украинските преговарачи претходно овој месец на мировните разговори на границата меѓу Украина и Белорусија. Постои одреден скептицизам за наводното труење, а неименуван американски функционер беше цитиран од Ројтерс дека разузнавачките служби сугерираат дека симптомите на мажите се должат на „еколошки“ фактори, а не на труење. Како што објавивме, Абрамович е забележан на преговорите, на сликите што ги пренесуваат турските медиуми.