Претседателот на Сојузот на средношколци, Лука Павиќевиќ во Дневникот на ТВ Сител го изрази своето разочарување од продолжувањето на штрајкот во образованието, пренесува Фокус.
„Вчера кога дознавме дека е постигнато некакво решение, го поздравивме дека еве возрасните го слушнаа зборот на средношколците и децата и постигнаа компромис. Сакаме да учиме. Две години по ред Сојузот на средношколци бара подобар образовен систем и настава. Сега повторно има штрајк, каде веќе се изгубија 10 важни работни дена и гледаме дека со првомајските празници ќе се изгуби и оваа работна недела“, изјави тој.