Претседателот на ВМРО-ДПМНЕ Христијан Мицкоски вели дека единствен начин за да се докаже дека актуелните анкети се точни, е да се ооди на избори.
Тој го повика премиерот Димитар Ковачевски и СДСМ да се охрабрат и да седнат на маса со цел договор за датум за предвремени парламентарни избори.
„Има единствен начин тоа да се покаже и докаже, дали се измислени или не се, е да одиме на избори. Нека се охрабрат и нека го охрабрат Ковачевски да седнеме на маса и да договориме датум за предвремени парламентарни избори. Тоа е единствениот начин да видиме дали анкетите се лажни или не се лажни. Нема друг начин“, истакна Мицкоски.