На екс министрите за земјоделие, Михаил Цветков, Александар Спасеноски и Љупчо Димовски, како и на заменикот Христијан Делев им се замрзнати имотите на барање на Јавното обвинителство за следење на организиран криминал и корупција. До Собранието се достави барање за усвојување на мерката притвор за Љупчо Димовски. Според Богоевски до сега имало случаи Собранието да го брани имунитетот на некој пратеник и да го спречи Судот да ја докаже вистината.
Надлежниот обвинител до Судијата на претходна постапка од Основен суд Скопје 1 Скопје, достави предлог за изрекување мерка притвор. Осомничените се смета дека го оштетиле буџетот за над 1.4 милиони денари.
„Станува збор за досега утврдени 584 договори за закуп на земјоделско земјиште на разни локации низ државата. На овој начин била предизвикана штета на Буџетот на Република Македонија во износ од 88.467.607 денари (над 1,4 милиони евра)“
Пред три дена по сослушувањето кое траеше 3-4 часа на екс министрите за земјоделие, како и екс заменик министерот, Христијан Делев, Судот донесе одлука за мерка 30 дневен притвор за Михаил Цветков и Христијан Делев, а на Ацо Спасеновски поради здравствени причини му е одредена мерка домашен притвор. Овој викенд, Парламентарната комисија за мандатно-имунитетски прашања му го одзеде имунитетот на пратеникто Љупчо Димовски, а судот ќе одлучи дали ќе оди во притвор. Сите четворица екс министри и екс заменик министерот се од редовите на Социјалистичката партија на Љубисав Иванов – Ѕинго.
РЕПОРТЕР: АФРИМ ЈОНУЗИ