Вирална стана и со брзината на светлината се прошири постапката, но и видео на водител на ТВ емисија во Аргентија, којшто смртта на кралицата Елизабета Втора ја прослави со шампањско. Контроверзната објава на Твитер почна да се појавува со хаштагот #Cuneoalmediodia.
Додека целиот свет жали за смртта на кралицата Елизабета, аргентински тв-водител отвори шише шампањско среде емисија и ги шокираше гледачите.
Кунео ја објави веста за смртта на кралицата со огнени зборови, потенцирајќи: „Старата кретенка е мртва. Засекогаш е завршено со неа. Силен аплауза за Сатаната, кој конечно ја зеде“
Аргентина и Британија водеа жестока војна за Фолкландските Острови во 1982 година, каде што Аргентина на крајот загуби откако тогашната британска премиерка Маргарет Тачер испрати флота бродови да ѝ го вратат островот на круната.
Но, и покрај минатите конфликти, Министерството за надворешни работи на Аргентина ѝ оддаде почит на покојната кралица, велејќи дека аргентинската влада го изразила своето „жалење“ за смртта на кралицата Елизабета Втора и „стои рамо до рамо со британскиот народ и нејзиното семејство во овој момент на тага“.
“Cuneo”:
Por sus comentarios sobre el fallecimiento de la reina Isabel II pic.twitter.com/OPM238Bf8G— ¿Por qué es tendencia? (@porquetendencia) September 8, 2022