Руската телевизиска новинарка Марина Овсјаникова, која се прослави со протестот во етер против војната во Украина, е ставена на листа на трага од руските власти, откако се верува дека побегнала од домашен притвор, објави Ројтерс.
44-годишната Овсијаникова беше ставена во домашен притвор два месеци во август и може да се соочи со казна затвор до 10 години доколку биде прогласена за виновна за ширење лажни вести за руските вооружени сили. Случајот е поврзан со протестот во јули кога таа застана на брегот на реката спроти Кремљ и држеше плакат на кој пишуваше дека претседателот Владимир Путин е убиец и дека неговите војници се фашисти.
Во саботата рускиот медиум RT објави дека Овсијаникова е исчезната.
Мојата поранешна сопруга синоќа го напушти местото каде што судот и одреди мерка притвор во домашен притвор и заедно со мојата 11-годишна ќерка побегнаа во непознат правец“, изјави поранешниот сопруг на Овсјаникова.
Нејзината фотографија и име денеска се појавија на онлајн списокот на бегалци објавени од руското Министерство за внатрешни работи. На 4 март, осум дена по инвазијата на руските сили во Украина, Русија донесе закон против ширење на информации кои ги дискредитираат вооружените сили.
Овсијаникова, која е родена во Украина, се здоби со меѓународна слава во март кога се појави пред камерите во телевизиско студио за време на вечерните вести на рускиот Прв канал со плакат на кој пишуваше „Стоп за војната“ и „Тие те лажат“, се сеќава Ројтерс. . Таа веќе беше казнета за два други протести против војната.