Сомнежите за саботажа на оштетените гасоводи Северен тек 1 и 2 во Балтичкото Море се зголемија по истрагата на местото на злосторството во ексклузивната економска зона на Шведска, соопшти тамошната полиција.
Шведските и данските власти истражуваат истекување од руски цевки на четири локации откриени минатата недела во ексклузивните економски зони на Шведска и Данска.
Шведската полиција: Има големи штети на гасоводите
„Имаше детонации во близина на Северен тек 1 и 2, внатре во економската зона на Шведска, што резултираше со голема штета на гасоводите“, се вели во соопштението на шведската полиција.
Некои материјали се запленети на местото на настанот и сега ќе се анализираат, а местото повеќе не е опколено. Продолжението на истрагата ќе покаже дали некој може да биде осомничен и подоцна кривично гонет за ова дело, додаваат од полицијата.
Портпаролот на Кремљ денеска изјави дека не мисли дека истрагата може да биде објективна без учество на Русија, откако Русија не беше поканета да учествува. Данската полиција одби да ја коментира истрагата во ексклузивната економска зона на Данска.