ДВЕ девојчиња кои во Националната галерија во Лондон ги полеаа сончогледите на Ван Гог со супа од домати денеска ги налутија интернет корисниците ширум светот. Никој не е јасен за пораката на нивниот настап и каква врска има Ван Гог со производството на нафта.
“Животот на Ван Гог беше страдање и тортура. Тој не доби никакво признание до неговата смрт и овие необразовани дечишта ја преливаат неговата слика со супа од домати. Како можеме да се грижиме за климатските промени кога тие не се грижат за страдањето на другите луѓе”, напиша еден корисник.
„Одвратно. Малите разгалени дечиња немаат почит кон никого и ништо. Нивната боја на коса и отпадоци од храна веројатно имаат поголем јаглероден отпечаток од слика на Ван Гог“, додаваат твитерџиите.
„Овие разгалени дечишта треба да одат во затвор со години за да размислуваат за својот идиотизам. Како побогу можат да мислат дека уништувањето или оштетувањето на уметноста е паметно“, беснеат корисниците на Твитер.
Се огласи авторот на документарниот филм за климатските промени
„Поминав пет години правејќи документарец за климатските промени за да се едуцирам на оваа тема и тоа е еден од најдобрите филмови на оваа тема. Така, совршено ми е удобно да ги критикувам идиотите кои истурија сок од домати на слика на Ван Гог. Најдете подобро стратегии“, напиша документарниот режисер Џереми Њубергер, добитник на Еми.
„Крајот на светот ќе биде за 5 години, ако не ги прелиеме сликите на Ван Гог со супа. Верувајте ѝ на науката“, пишува во профилот на End Wokeness.