Се урна трикатна зграда на територијата на приватен универзитет во квартот Кучукчекмеџе во Истанбул, јавија турската државна телевизија ТРТ-Хабер и Anadolu Agency.
До несреќата дошло по уривање на потпорен ѕид на станбена зграда во изградба, која се наоѓала веднаш до објектот. Причинета е сериозна материјална штета и на универзитетот, наведува ТРТ-Хабер.
Нема информации за повредени, бидејќи 3-катницата на теренот на Универзитетот Арел беше празна (претходно беше евакуирана).
Од безбедносни причини евакуирани се 71 студент од универзитетски дом, како и жители на 128 станови во шест станбени блокови во околината, информира Anadolu Agency.
На местото на несреќата пристигнаа екипи на противпожарната служба, полицијата и Управата за управување со катастрофи и вонредни состојби (АФАД). Екипите на АФАД во моментов утврдуваат дали се оштетени и други објекти во областа.
За случајот е започната истрага.