Министерството за внатрешни работи информира дека завршија антитерористичките проверки во сите средни училишта на подрачје на град Скопје.
Тие велат дека проверките се направени по денешната пријава дека на меил на едно училиште е упатена закана за поставена експлозивна направа.
„По направените проверки беше утврдено дека пријавата е лажна, а сите проверки се завршени без проблеми“, додаваат од МВР.