Судот во Хаг во четврток ќе ја изрече казната против четворица обвинети во случајот со соборувањето на патничкиот авион на Малезија ерлајнс над Украина во 2014 година, пренесе Франс прес.
Сите 298 патници и членови на екипажот загинаа кога Боинг 777 на летот MH17 [латински букви] од Амстердам до Куала Лумпур беше соборен над територијата контролирана од проруските сепаратисти во источна Украина со проектил за кој обвинителите велат дека го донела Русија.
Доколку бидат прогласени за виновни, руските државјани Игор Гиркин, Сергеј Дубински и Олег Пулатов и украинскиот државјанин Леонид Харченко може да добијат доживотен затвор, јави БТА. Четворицата осомничени се на слобода и одбија да се појават на судскиот процес кој започна пред две и пол години, на кој претходеше детална меѓународна истрага.
Осум години по трагедијата, местото на несреќата на MH17 е главно бојно поле во војната на Русија против Украина, која започна во февруари оваа година.