Украинскиот претседател Володимир Зеленски во своето новогодишно обраќање рече дека очекува Украина да победи во војната со Русија во новата година, пренесе Ројтерс. Според него, победата нема да се постигне со чуда, туку со напорна работа и помош на странски партнери.
„Денес има само една желба. И таа ќе се оствари не со чудо, туку со нашата работа, нашата борба, взаемна помош и хуманост“, изјави тој. „Среќна Нова Година! Годината на нашата победа“, рече и украинскиот претседател.
Зеленски ги спомена и повторените руски напади кои го нарушуваат системот за производство на електрична енергија во Украина. „Сакате светлина? Таа е во секој од нас, дури и да нема струја“, објасни шефот на украинската држава.