За само 10 години, возовите кои сообраќаат низ Македонија вкупно 82 пати имале незгода на патни премини или раскрсници, при што загинале 85 лица, покажува анализата која ја направи 4NEWS.mk откако денеска во Велес уште еднаш бевме сведови на тешка несреќа која за среќа помина само со повредени лица.
Најголем број на незгоди се регистрирани во 2013 година, кога се случиле рекордни 20, а еден удар се случил и меѓу два воза.
| 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | |
|---|---|---|---|---|---|---|---|---|---|---|
| Судари | – | 1 | – | 1 | 1 | – | 1 | – | – | – |
| Незгоди на патни премини, раскрсници | 6 | 20 | 19 | 6 | 14 | 1 | 3 | 7 | 6 | – |
Во изминативе 10 години, загинале и тројца вработени, двајца во 2014 година и еден во 2020 година.
Голем и бројот на несреќи кои се случиле на железниците низ Македонија, а причината била лизгање од шини.
| Железнички незгоди според видот, по години | ||||||||||
|---|---|---|---|---|---|---|---|---|---|---|
| 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | |
| Лизгање од шини | 28 | 12 | 25 | 11 | 11 | 23 | 16 | 23 | 17 | 19 |
За среќа во изминатите 10 години не е забележан пожар во возниот парк, како што често изминативе месеци тоа го гледаме кај нашиот сосед Бугарија.
Анализата е изработена со податоци од Државниот завод за статистика за 4NEWS.mk