Моментално сме месец јануари и надвор се минусни температури, но во патничките возови кои сообраќаат низ државава нема греење.
Ваков пример е и возот Скопје – Гевгелија кој од станица во Скопје тргнува во 16:55 часот.
Граѓаните кои ја контактираа редакцијата на 4news.mk велат дека во овој воз нема пуштено греење, и дека е многу ладно.
Како што велат, тие се приморани да седат речиси 3 часа (пристигнувањето во Гевгелије е околу 19:45 часот) стуткани и со јакни на себе.
Како што додаваат, меѓу патниците има и мали деца.
Инаку, ова не е прв пат патниците да останат без греење во зима.