Вчера жителите на Тексас биле вознемирени од експлозија која била видена на небото на југот на таа сојузна држава. Официјални лица денеска соопштија дека веруваат дека станува збор за метеорит, пренесува Си-Ен-Ен.
„Веруваме дека ја решивме мистеријата за силната експлозија“, рече шерифот на округот Хидалго, Еди Гуера на прес-конференција. Многу жители пријавиле дека слушнале силна експлозија вчера попладне во долината Рио Гранде, во близина на градот Мисион, соопштија официјални лица.
There's been reports of a possible meteorite this evening west of McAllen. One of the satellite tools we use is the Geostationary Lightning Mapper & it measures lightning as observed from space. GLM detected a signal at 523 PM with no storms around. No official confirmation yet. pic.twitter.com/1NKRZTZU9C
— NWS Brownsville (@NWSBrownsville) February 16, 2023
Властите веруваат дека метеоритот паднал околу 17:28 часот по локално време, предизвикувајќи „голема експлозија“, изјави началникот на полицијата. Двајца пилоти кои летале во близина на Хјустон пријавиле дека го виделе метеоритот, рече тој, цитирајќи го извештајот што го добил од ФБИ.
Иако ударите од метеорит не се невообичаени, неколку неодамнешни случаи на паѓање на предмети над американскиот воздушен простор предизвикаа паника кај жителите.
Националната метеоролошка служба во Браунсвил објави дека сателитски систем дизајниран да мери удари од гром го открил метеоритот. Во тоа време немаше невреме во областа. „Тоа може да ги исплаши нашите жители и сакаме да се погрижиме да им дадеме што е можно повеќе информации за да им помогнеме да се чувствуваат безбедно овде во нашата локална заедница“, рече претставникот на САД, Моника де ла Круз, кој ја претставува областа.