Најмалку 36 лица загинаа, а повеќе од 80 се повредени кога возови се судрија во близина на грчкиот град Лариса околу полноќ, соопштија пожарникарите. Во централна Грција се судрија патнички и товарен воз, а спасувачките екипи ги извлекуваат патниците од згмечените вагони.
„Евакуацијата на патниците е во тек во многу тешки услови со оглед на сериозноста на судирот на возот“, изјави портпаролот на противпожарната служба Василис Вартакогијанис.
По несреќата се уште се водат 20-25 лица. Екипите за итни случаи се уште се обидуваат да најдат луѓе кои можеби се живи во возот.
Патниците во возовите што се судрија во централна Грција беа главно млади, изјави шефот на одделението за интензивна нега во блиската болница за државната телевизија ЕРТ.
Спасувачите се во процес на идентификација на загинатите, изјави портпаролот на грчката противпожарна служба Василис Вартакогијанис на ажурираниот брифинг. На терен работат околу 150 пожарникари и возила на брза помош.
Црвениот крст соопшти дека организира итно дарување крв на централниот плоштад во Лариса, град во близина на местото на несреќата.
Грчкиот премиер вели дека земјата ќе влезе во тридневен период на жалост. Сите јавни прослави се откажани, а знамињата на јавните згради ќе се веат на половина копје до петок.
Зеленски: Народот на Украина ја споделува болката на семејствата на жртвите
Володимир Зеленски, претседателот на Украина, преку Твитер изрази „најдлабоко сочувство“ до народот на Грција и нивниот претседател Катерина Сакеларопулу.
Народот на Украина ја споделува болката на семејствата на жртвите“, напиша тој и им посака брзо закрепнување на сите повредени.
Τα θερμά μου συλλυπητήρια στην @PresidencyGR και στον ελληνικό λαό για την απώλεια ζωών από τη σύγκρουση τρένων στη Βόρεια Ελλάδα. Ο λαός της Ουκρανίας συμμερίζεται τον πόνο των οικογενειών των θυμάτων. Ευχόμαστε ταχεία ανάρρωση σε όλους τους τραυματίες.
— Володимир Зеленський (@ZelenskyyUa) March 1, 2023
„Цела Европа тагува со вас“, вели Фон дер Лајен
Претседателката на Европската комисија, Урсула фон дер Лајен, изрази сочувство до жртвите. „Моите мисли се со народот на Грција по страшната железничка несреќа што однесе толку многу животи во близина на Лариса синоќа. Цела Европа тагува со вас. И на сите повредени им посакувам брзо закрепнување“, напиша таа на Твитер.
My thoughts are with the people of Greece after the terrible train accident that claimed so many lives last night near Larissa.
The whole of Europe is mourning with you. I also wish for a speedy recovery for all the injured.
Είμαστε δίπλα σας
— Ursula von der Leyen (@vonderleyen) March 1, 2023