По завршувањето на притворот тој ќе биде спроведен на распит во обвинителството.
Бугарскиот државјанин ЛК капетан на бродот Џамбо 3, од кој, како што се сомнева, истекоа 35.000 литри гориво во Дунав, е уапсен под сомнение дека сторил кривично дело загадување на животната средина, дознава „Блиц“.
Според информациите на Блиц, тој добил притвор до 48 часа по наредба на главниот јавен обвинител во Бачка Паланка, Милан Кнежевиќ.
По завршувањето на притворот тој ќе биде спроведен на распит во обвинителството.
Да потсетиме, вчера нафтена дамка се појави во Дунав кај Нови Сад, откако бугарски брод истури дури 35.000 литри гориво.
– Сите служби се алармирани. На терен се провинциската инспекција за води и инспекција за заштита на животната средина, надлежното јавно обвинителство, полицијата и припадници на единицата за вонредни состојби при МУП. Важно е што реагиравме навреме и експертите од нашата компанија заедно со полицијата и претставници од Лабораторијата за заштита на животната средина вршат земање мостри за точно да се утврди за какво масло се работи. Откако ќе го утврдиме ова, ќе можеме соодветно да реагираме според протоколот за дадени ситуации и посебните процедури за справување со вакви инциденти, да го спречиме натамошното ширење на излевањето нафта, што ни е најважно за да избегнеме поголеми штети. што секако ќе ги утврди истрагата, како и виновниците за овој инцидент.– изјави кусо за „Блиц“ Јован Вигњевиќ, раководител на службата за заштита на вода на ЈВП „Воде Војводина“.