Цените на лежалките за некои се важна ставка при планирањето на буџетот за одмор, но погрешно е да се мисли дека плажите, па дури и баровите кои се наоѓаат една до друга се договорени по ова прашање.
За тоа се зборува и во написот објавен на страницата на Инстаграм Nikana.gr, каде се наведени моменталните цени на различни плажи на Тасос. „Како што се загрева сезоната, така се зголемуваат и цените“, забележуваат авторите, а досега распонот е од 5 до 50 евра за комплет.
На познатата Мермерна плажа е 15 евра по лице со вклучен пијалок (кафе или сок) во цената.
На плажата Псили Амос има комплет (2 лежалки и чадор) за 10 евра.
На плажата Пахис, се вели, има неколку барови и во некои од нив можете да користите лежалки со пијалок.
На плажата Росо Гремос цената за гости надвор од хотелот е 20 евра за комплет.
Во барот на плажата Ла Скала цените почнуваат од 10 евра за сет до 50 евра.
На плажата Алика комплет лежалки чини 5 евра.
Рајска плажа – цената на комплетот е 25 евра во која се вклучени два пијалоци (кафе или сок).
Затоа, нема правила за одредување на цените на лежалките, се уште постои опција да се добие седиште и сенка само со пијалок (иако, понекогаш тоа ќе ве чини повеќе отколку ако сте платиле фиксна цена за комплет), додека на некои места се „пресметува“ и позицијата на шанкот и периодот на сезоната и оддалеченоста од морето и расположението на сопственикот… Па, ако сакаш да одиш поевтино, треба да се информираш за самото место.