Годишниот метеорски дожд Персеида го осветли небото ширум светот на воодушевување на љубителите на астрономијата, како и на романтичарите кои се надеваа дека ќе ги видат ѕвездите кои паѓаат.
Оваа појава се случува во слично време во јули и август секоја година, а овој пат својот врв го достигна ноќта меѓу саботата и неделата.
Метеорите, како што пишува Би-Би-Си, удриле во атмосферата на Земјата со брзина од 215.000 км/ч.
Кометата, на која и требаат 133 години за да орбитира околу Сонцето, остава зад себе облак од вселенски отпад, а кога ќе влезе во атмосферата на Земјата и ќе почне да паѓа кон површината, „облакот“ свети поради триење и согорување, а ние го гледаме како блесок или метеорит.
Овие запалени остатоци не претставуваат никаква опасност за нас на Земјата.
Метеорскиот дожд се смета за еден од најдобрите и најатрактивните астрономски настани.
🌠 Images of the Perseid meteor shower from other angles where I am. 📌Kayseri Erciyes Mountain#Meteor #Perseid pic.twitter.com/SUszMlVMyp
— Eren 𝕮🇹🇷 (@Eren50855570) August 13, 2023
Оваа година, мрежата All Sky Fireball на НАСА, која ги набљудува метеорите користејќи мрежа од камери, го откри првиот метеор Персеида на 26 јули.
Се нарекува Метеорски дожд Персеиди бидејќи метеорите се чини дека потекнуваат од соѕвездието Персеј – именувано по херој од грчката митологија.