Една пекара во белградската населба Видиковац е збогатена со нов пекарски производ. Асортиманот е збогатен со таканаречениот „Претседателски сендвич“, кој пред неколку дена на јавноста и го претстави српскиот претседател Александар Вучиќ.
Сендвичот чини 99 динари (околу 55 денари), а се состои од мајонез, магдонос и зелена салата.
Како што пишуваат српските медиуми, работниците во пекарата рекле дека новиот производ одлично се продава.
„ Сендвичот се продава како луд“, велат работниците.
Фотографијата од сендвичот стана вирална откако беше споделена на социјалната мрежа x.com.
„Има работа за тие што сакаат да работат“, пишувало покрај фотографијата која собрала речиси 60.000 прегледи.
„Извинете, ама оваа салата е луксуз“, „Каква е салата, какво фалење е тоа, прашувам“, „Рајски сендвич “, се само дел од коментарите.
Да потсетиме, откако неодамна на прес-конференција донесе корпа полна со намирници и ги спореди старите и новите цени, вклучително и парижанец, српскиот претседател Александар Вучиќ во средата, на 13 септември, објави видео на својот Инстаграм профил во кое Парижанец е појадок.
Ina posla ko će da radi pic.twitter.com/itZcMCIJuP
— Neuticajni Tviteraš (@neinfluentan) September 15, 2023
„Претходно Тома Момировиќ и Синиша Мали отидоа во продавница и како што им ветивме на оние што ни го бараа тоа не беше наш хир, тие рекоа и дека не смееме да го јадеме …
Купиле половина килограм домашно париско сирење, купиле два литра јогурт, два сава леба, две кесички и мајонез ‘Добро’, а вкупната цена е 585 динари“, вели Вучиќ во видеото.