Голем алигатор е фатен како носи тело на непознат маж по канал во округот Пинелас, Флорида.
На ужасните фотографии и видеа се гледаат полицајци како стојат околу алигаторот облеан во крв.
Случаен минувач најпрво го забележал рептилот долг речиси четири и пол метри со жртвата заглавена меѓу вилиците во станбена улица во Ларго.
– Видов дека го носи телото во вилиците, па почнав да снимам – рекол сведокот Џамаркус Булард за локалните медиуми.
Булард ја известил противпожарната служба на Ларго, која била стационирана на само неколку чекори од крвавата сцена. Алигаторот потоа бил застрелан и извлечен од водата.
🚨#BREAKING: Florida Officials have killed a Massive 13-Foot Alligator After Discovery of deceased human body
📌#PinellasCounty | #Florida
⁰Numerous authorities are currently on the scene where a deceased body was found near a massive 13-foot alligator close to a pool of… pic.twitter.com/lUpt7JCeKc— R A W S A L E R T S (@rawsalerts) September 22, 2023
– Многу од моите соседи беа тука и ми кажаа за алигаторот. Слушнавме истрел. Претпоставувам дека убиле алигатор – изјавила Џенифер Дин, жителка на областа.
Канцеларијата на шерифот на округот Пинелас потврди дека жртвата и алигаторот биле извлечени од каналот, но одби да каже дали полицајците го повлекле чкрапалото.
Областа се наоѓа во близина на популарниот парк Риџкрест, кој вклучува езеро од пет хектари населено со алигатори.
Pinellas deputies and FWC shot and killed a 13 foot gator that was seen in a canal with a human body in it’s mouth. Resident Yasmine Bullard caught the moment on video when that large gator was pulled out. Warning: graphic language. @BN9 pic.twitter.com/P5hbZp2LpD
— Josh Rojas (@JoshRojasBN9) September 22, 2023
Дин вели дека алигаторите „рутински шетаат“ низ населбата, но нагласува дека убиениот во петокот бил еден од најголемите што таа некогаш ги видела.
Инспекторите се уште се обидуваат да ја утврдат причината за смртта на жртвата.
Инцидентот се случил неколку месеци откако една постара жена од Флорида била убиена од алигатор додека го шетала своето куче.