Нештата не се онакви какви што го посакувате, какви што ги замислувате, планитање, туку се непредвидливи, непријатни и бараат од вас влог за да ги решите и поправите. Вака вечерва во Битола на затворањето на фестивалот рече претседателот на државата Стево Пендаровски.
„Светот во кој живееме деновиве по повеќе основи не е пријатно место и од таму со право се чувствува гнев, лутина, незадоволство“, изјави претседателот на државата.
Пендаровски порача да се негува креативниот гнев и креативно народот да се конфронтира со светот.
„Овогодинешниот фестивал во изминатите 7 дена понуди исклучителна програма и Битола ја претвори во простор за средби и дијалог со врвни филмски и кинематограферски имиња“, додаде Педаровски честитајќи на целиот тим кој го организираше овогодишеното издание на фестивалот.
„Посакувам овој фестивал да прерасне во вистинско меѓународно современо културно наследство“, заклучи Пендаровски.