Видеото од елитен германски остров на кое се гледа како луѓето извикуваат нацистички слогани и креваат тупаници на десницата стана вирално и предизвика бес.
Како што објави „Гардијан“, видеото објавено на мрежата „Х“ покажува група луѓе на островот Зилт, на северот на Германија, како заедно пијат и танцуваат на песната L’amour Toujours од Џиџи Д’Агостино. Сепак, некои од групата наместо стиховите ја извикуваа старата нацистичка парола „Германија за Германците, странците надвор“.
Еден млад човек ги имитирал мустаќите на Хитлер
Еден човек облечен во бела кошула ја подигнал десната рака во нацистички поздрав додека ги имитирал мустаќите на Хитлер ставајќи два прста над неговата уста. И слоганот и поздравот се незаконски и казниви во Германија.
Полицијата во покраината Шлезвиг-Холштајн соопшти дека го прегледува видеото и ќе постапи соодветно. Според досегашните информации, спорната песна ја пееле вкупно пет лица.
„Германија за Германците – странците надвор“
Twitter hat das alte Video gelöscht. Hier nochmal. pic.twitter.com/m0uFwq2eSt
— Nora Zabel (@norazabel) May 23, 2024
Слоганот „Германија за Германците – странците надвор“ е песна создадена во 19 век, користена од нацистичкиот лидер Адолф Хитлер, а користена како слоган на кампањата на крајнодесничарската Национал-демократска партија.