Премиерот Христијан Мицкоски денеска присуствуваше на поставување на камен темелник на изградба на спортска сала во Општина Петровец каде што рече „за мене претставува чест и задоволство што денеска сум поканет на овој убав настан, почеток на градба на нова спортска сала која што знам дека ќе ја користат многу дечиња од Општина Петровец и од ова населено место“.
Мицкоски упати „честитки до градоначалникот, советниците, до Министерството и министерката, до пратениците од овој регион од овде од Изборна единица 3 што се залагаат, што континуирано предлагаат проекти кои што како Влада ќе ги поддржуваме и во иднина“.
“Така треба да се продолжи, тоа го очекуваат граѓаните од нас да создаваме, да градиме, а не да рушиме“, рече премиерот.
„Веќе разликата е евидентна, за нешто помалку од 2 месеци нова Влада предводена од ВМРО-ДПМНЕ и коалицијата Твоја Македонија многу од проектите кои во минатото чекаа стануваат реалност.
Уште еднаш честитки до сите и посакувам што повеќе дечиња да ја користат оваа сала, овој спортски објект затоа што со спортот практично се создава убав дух кај секое едно дете, и на тој начин потоа се создаваат би рекол чесни и правилни возрасни личности.
Уште еднаш нека е аирлија, нека е со среќа и нека се множат ваков тип на објекти уште повеќе“, изјави Мицкоски.