Не беше изгласана интерпелацијата за Африм Гаши, поднесена од страна на пратениците од пратеничката група на Левица. Левица поднесе интерпелација поради скандалите во последно време, а особено по реакцијата на скопскиот аеродром и инцидентот со косовската претседателка Вјоса Османи, како и поради свадбената поворка која без проверка го минала ГП Блаце кон Косово.
Против интерпелацијата гласаа 72 пратеници, за беа 21 пратеник, а немаше воздржани.
За да беше успешна требаше да гласаат мнозинството на пратеници.
Цел ден се водеше расправа во парламентот за интерпелацијата на Гаши, и на крајот не помина интерпелацијата.
Гаши кажа дека интерпелацијата е против верската припадност на претседателот на Собранието.
„Парламентот е место каде треба да има отчет, а граѓаните го даваат последниот суд. Како човек сум отворен и не кријам ништо и од никого, туку сакам отворен пристап за сите прашања. Затоа јавно поставувам прашање, на кого му служи оваа интерпелација и за каква цел. Сигурен сум дека одговорот на овие прашања ја дава суштината на оваа интерпелација. Левица е партија којашто идеолошки треба да го обединува и храни народот со теоријата за еднаквост, но за жал во реалноста таа е партија што многу често се профилира екстремно десно со своите ставови – против нашата евроатлантска интеграција, нашата посветеност за добрососедски односи и нашата посветеност за меѓуетничка хармонија. Многу е лошо кога се игра на картата на национализмот, за осудување на другиот без да се слушне другата страна. Не е потребно длабоко разбирање на политиката за да се види дека тие што се против нашиот европскиот пат и ја загрозуваат нашата внатрешната етничка кохезија дека тие работата против постоењето на нашата држава – изјави Гаши.