Пет лица, меѓу кои две деца, загинаа во сообраќајна несреќа на автопатот М6 во северозападна Англија, кога се судрија два автомобили „Тојота“ и „Шкода“.
Несреќата се случила во вторник во 16:04 часот по локално време, на автопатот во северен правец, во областа Камбрија, соопшти денеска полицијата, пренесува Sky News.
Четири лица, маж, жена и две деца од Глазгов, кои патувале со Тојота, биле констатирани мртви на местото на настанот.
Во несреќата загинал и возачот на шкодата, маж од Кембриџшир. Полицијата во Камбрија соопшти дека третото дете од Тојотата било пренесено во болницата „Кралицата Викторија“ во Њукасл со сериозни повреди.