Новоизбраниот претседател Доналд Трамп денеска објави дека ќе го номинира активистот против вакцини Роберт Ф. медицинските истражувања и социјалната заштита на програмите Medicare и Medicaid.
„Американците предолго се задушени од индустрискиот прехранбен комплекс и фармацевтските компании кои се занимаваат со измами, дезинформации кога станува збор за јавното здравје“, напиша Трамп на својот Твитер профил објавувајќи го назначувањето.
Трамп додаде дека Кенеди ќе ја направи „Америка повторно голема и здрава“.
Кенеди е поранешен демократ кој влезе во овогодинешната претседателска трка како независен кандидат, но се откажа во август кога склучи договор со Трамп да го поддржи со ветување дека ќе има улога во здравствената политика на администрацијата на Трамп.
Оттогаш, тој и Трамп станаа добри пријатели, а Кенеди често добиваше овации на митинзите на Трамп.
Кенеди долго време беше скептичен за вакцините. Тој е адвокат кој изгради лојални следбеници во текот на неколку децении, кои се восхитуваат на неговите тужби против водечките фармацевтски и пестицидни компании. Тој се залагаше за построги прописи за состојките на храната.
Во кампањата на Трамп, тој работеше на добивање поддршка меѓу младите мајки особено со порака да се направи храната поздрава во САД, ветувајќи дека ќе ги земе европските регулативи како модел. Парафразирајќи го слоганот на кампањата на Трамп, тој ја нарече неговата акција „Да ја направиме Америка повторно здрава“.
Поради неговата позиција за вакцините, Кенеди е исто така контроверзна личност меѓу демократите и некои републиканци, што го доведува во прашање дали неговата номинација може да биде потврдена во Сенатот, дури и во новиот Сенат каде што републиканците имаат мнозинство.
Кенеди користеше дезинформации за безбедноста на вакцините, вклучувајќи ја и сега целосно дискредитираната теорија дека вакцините од детството предизвикуваат аутизам.
Тој исто така рече дека би препорачал да се отстрани флуорот од водата за пиење. Се верува дека овој додаток бил корисен за подобрување на здравјето на забите.
Министерството за здравство и социјална заштита има 80.000 вработени низ државата. Тоа ги вклучува Управата за храна и лекови, Центрите за контрола и превенција на болести, програмите Medicare и Medicaid и Националниот институт за здравје.