Судијата Ивица Стефановски неколку пати ги опомена адвокатите на одбраната за нарушување на судската процедура, истакнувајќи дека поставуваат вкрстени прашања за време на директни испрашувања и обратно.
Откако сведочеше Ерол Османи, првообвинетиот Љупчо Палевски – Палчо се обиде на судијата да му приложи дополнителни докази. Меѓутоа, судијата остро го одби барањето.
„Сега јас не ви примам докази. Си имате адвокати. Јас навистина не ве разбирам. Постапката е јасна,“ изјави Стефановски.
Тензијата се зголеми кога адвокатот на Палчо реагираше гласно, велејќи дека ќе поднесе приговор.
Судијата веднаш го коригираше: „Не се вика приговор, туку забелешка.“
По завршувањето на сведочењето, судијата го повика адвокатот да ја изнесе својата забелешка, но адвокатот одговори: „Тоа ќе го кажам во завршните зборови.“
Овие моменти покажаа значителни тензии помеѓу судот и одбраната, при што судијата постојано инсистираше на почитување на судската процедура.
Судскиот процес продолжува со нови сведочења.
Веднаш по почетокот на сведочењето на вториот сведок, судот донесе решение со кое се опомена адвокатот Јовица Страшевски да ја почитува судската процедура.