Бесните портокалови пламени и густиот црн чад се издигнаа на небото додека пожарот зафати стотици куќи во густо изградената сиромашна област на филипинската престолнина Манила, пренесе АФП.
Противпожарната служба во Манила соопшти дека околу 1.000 куќи биле опожарени во пожарот, за кој се верува дека избувнал на вториот кат од една од куќите.
PANOORIN: Nakataas na sa Task Force Alpha ang sunog na sumiklab sa Isla Puting Bato sa Maynila nitong Linggo ng umaga. (🎥: Manila DRRMO) @ABSCBNNews pic.twitter.com/gy84dS1QXb
— Karen De Guzman (@_KarenDeGuzman) November 24, 2024
Нема информации за жртв.
Снимката од дрон споделена на интернет од страна на градската агенција за катастрофи покажува куќи срамнети со земја во селото Исла Путинг Бато во Манила.
Според противпожарната служба, во зградите живееле околу 2.000 семејства.
65-годишната селанка Леонила Абиертас го загубила речиси целиот свој имот, но успеала да ја спаси пепелта на нејзиниот покоен сопруг.
„Јас ја имам само урната со пепелта на мојот сопруг. Навистина не знам како да го започнам животот повторно по овој пожар“, вели расплаканиот Абиертас.
WATCH: Makikita sa video na ito ng Bureau of Fire Protection-NCR ang pinsala sa nangyaring malawakang sunog sa Isla Puting Bato sa Tondo, Maynila | DZRH News
📹: BFP-NCR/FB pic.twitter.com/GQ7rhACUzF
— DZRH NEWS (@dzrhnews) November 24, 2024
Службите за заштита од пожари и катастрофи испратија 36 камиони и 4 противпожарни чамци, а воздухопловните сили на земјата испратија два хеликоптери да помогнат во гаснењето на пожарот.
„Оваа област е подложна на пожари бидејќи повеќето од куќите таму се направени од лесни материјали“, рече пожарникарката Џеанели Нунес.