Јеменската бунтовничка група Хути тврди дека САД бомбардирале неколку локации низ земјата, без да даде други детали.
Централната команда на американската армија (ЦЕНТКОМ) ја презеде одговорноста за нападите на платформата Икс (Твитер), соопштувајќи дека вчера и денеска биле насочени цели „во Сана и крајбрежни локации“.
„На 30 и 31 декември, бродовите и авионите на американската морнарица ги гаѓаа командните и контролните објекти на Хутите и капацитетите за производство и складирање на напредно конвенционално оружје (ACV), кои вклучуваа проектили и беспилотни летала (UAVs)“, се вели во соопштението на ЦЕНТКОМ.